Mahallalarda yoshlar bilan ishlash bo‘yicha mahalladagi yoshlar yetakchilarining taklif va tashabbuslari tinglandi. Joriy yilning 14-fevral kuni davlatimiz rahbari ishtirokidagi yoshlar bilan o‘tkazilgan ochiq muloqotda bir qator muhim tashabbuslar ilgari surilgan edi. Ushbu tashabbuslarni mahallalardagi yoshlarga yetkazish, ularning ijtimoiy-iqtisodiy faolligini oshirish maqsadida Quvasoy shahridagi yoshlar yetakchilarining taklif va tashabbuslari tinglandi. Bugungi kunda alohida ishlash talab etiladigan yoshlar qatlami, jumladan, ishsiz yoshlarni bandligini ta'minlash maqsadida tegishli tashkilot rahbarlariga biriktirish yuzasidan amalga oshirilayotgan ishlar tahlil qilindi. Shuningdek, 60-, 61- va 62-sonli Prezident qarorlari imzolanib, yoshlarning bandligini ta’minlash, tadbirkorlik faoliyatini qo‘llab-quvvatlashga doir keng ko‘lamli yaratilgan imkoniyatlar hamda yoshlar tadbirkorligini rivojlantirishga doir masalalar atroflicha muhokama qilindi. Quvasoy shahar hokimligi Axborot xizmati