Rossiya Federatsiyasi Boshqirdiston Respublikasi delegatsiyasi Quvasoy shahriga tashrif buyurdi Boshqirdiston Respublikasi ishbilarmon doiralari delegatsiyasi va yirik kompaniya vakillari rasmiy tashrif bilan Quvasoy shahrida bo‘ldilar. Tashrifdan ko‘zlangan asosiy maqsad — mintaqada iqtisodiy salohiyatini o‘rganish, sanoat sohasi bilan yaqindan tanishish hamda ikki tomonlama hamkorlik imkoniyatlarini kengaytirishdan iborat bo‘ldi. Tashrif doirasida delegatsiya a’zolari "Bunyodkor" yoshlar va tadbirkorlik zonasidagi "Blue Carbon" MChJ va Qo‘qon EIZ Quvasoy filiali hududidagi "Crown Ceramics", "Marwin Fruitline" va "Fergana Ceramics" MChJ faoliyatlari bilan tanishdilar. Shuningdek, Qo‘qon EIZ Quvasoy filiali hududida yangi loyihalarni ishga tushirishda imtiyozlar mavjudligi tushuntirildi. Shu hududdagi bo‘sh yer maydonlarida yangi loyihalar amalga oshirish bo‘yicha tavsiyalar berildi. Quvasoy shahar hokimligi Axborot xizmati