Hozirgi kunda mamlakatimizda atmosfera havosidagi mayda dispersli zarrachalar miqdorining oshishi kuzatilmoqda, xususan Quvasoy shahrida ham. Bu borada shahar hokimligi tomonidan shahar hududida chang miqdorini kamaytirish, ekologik vaziyatni yaxshilash bo‘yicha muayyan tadbirlar amalga oshirilmoqda. Xususan, mazkur tadbirlar doirasida maxsus texnika va kuch vositalari jalb etilib, shahar ko‘chalaridagi daraxtlar va yo‘llarni yuvish ishlari tashkil etilmoqda. Mazkur ishlar havodagi chang miqdorini kamaytirish, yashil hududlarni sog‘lomlashtirish hamda aholiga yanada qulay ekologik muhit yaratishni ta’minlaydi. Ekologik barqarorlikni ta’minlash, aholi salomatligini muhofaza qilish va havoning sifat ko‘rsatkichlarini yaxshilashga qaratilgan choralar doimiy davom ettiriladi.