Bahraynda bo‘lib o‘tayotgan III Osiyo yoshlar o‘yinlarida Quvasoylik yosh taekvondochilarimiz ham delegatsiyamiz hisobiga ilk medallarni olib kelishni boshlashdi. Yigitlar o‘rtasidagi –73 kg vazn toifasida ishtirok etgan Quvasoy shahrining “Namuna” MFY iqtidorli sportchisi Ahadjon Muxtorov final jangida Qozog‘iston sportchisini mag‘lub etib, mamlakatimiz hisobiga navbatdagi oltin medalni yozdirib qo‘ydi. Bu g‘alaba Quvasoy sporti uchun faxrli natija bo‘lib, yoshlarimizning xalqaro maydonlarda muvaffaqiyatli ishtirok etayotganidan dalolat beradi.