Quvasoy shahar hokimi Zafarjon To‘raqulov eronlik investor Xosseini Alini qabul qildi. Muloqotda zamonaviy logistika markazini tashkil etish bilan bog‘liq loyihalar muhokama qilindi. Loyiha amalga oshirilishi ikki davlat o‘rtasidagi savdo-iqtisodiy hamkorlikni yanada rivojlantirish hamda Quvasoyga yangi investitsiyalarni jalb etishga xizmat qiladi. Uchrashuvda shahar hokimi loyihalarni to‘liq qo‘llab-quvvatlashini, ularni tezkorlik bilan amalga oshirish va ishga tushirish muhimligini ta’kidladi. Loyiha ishga tushirilishi lozim bo‘lgan mavjud yer maydonlari investorga tavsiya qilindi.