Quvasoy shahrida mahalla raislari faoliyatini yanada takomillashtirish hamda ularning mavjud qonun, qonun osti hujjatlari bilan ishlash samaradorligini oshirishga qaratilgan seminar tashkil etildi. Unda O‘zbekiston mahallalari uyushmasi mas’ul xodimi Z.Asamov, uyushmaning Farg‘ona viloyati boshqarmasi boshlig‘i A.Ziyavitdinov, “Mahalla yettiligi”ga mas’ul bo‘lim boshliqlari, Quvasoy shahrida mavjud MFY yettilik xodimlari ishtirok etdi. Mahalla raisi aholi bilan ishlashda davlat va nodavlat tashkilotlar bilan samarali hamkorlik aloqalarini yo‘lga qo‘yishi lozim. Shundagina Odamlarni qiynayotgan muammolar yechimida tizimli mexanizm yaratiladi. Bo‘lib o‘tgan seminarda ma’ruzachilar tomonidan ana shu jihatlarga e’tibor qaratar ekan, bunda “Mahalla yettiligi”ning tashabbuskorligi muhim ekanini alohida ta’kidlandi. Seminarda shuningdek, ishtirokchilarni qiziqtirgan mavzuga oid savollarga batafsil javoblar qaytarildi.