Quvasoy shahar hokimi Zafarjon To‘raqulov mahalliy tadbirkor Jahongir G‘ofurov bilan uchrashuv o‘tkazdi. Muloqot chog‘ida tadbirkor tomonidan Arsif MFY hududida yangi turizm va ko‘ngilochar maskanlar barpo etish loyihasi taqdim etildi. Shahar hokimi mazkur tashabbusni qo‘llab-quvvatlab, loyiha Quvasoy shahrining turizm salohiyatini oshirishda muhim qadam bo‘lishini ta’kidladi. Shuningdek, uni amalga oshirishda barcha zaruriy amaliy yordam va ko‘mak berilishini qayd etdi. Yangi maskanlar aholiga zamonaviy dam olish imkoniyatini yaratish bilan birga, shahar qiyofasini yanada chiroyli va jozibador qilishga, shuningdek, yangi ish o‘rinlarini yaratishga xizmat qiladi.