Quvasoy shahrida kitobsevar oilalarni birlashtirgan muhim madaniy-ma’rifiy tadbir – “Yosh kitobxon oila” tanlovining shahar bosqichi bo‘lib o‘tdi. Mazkur tanlov Yoshlar ishlari bo‘limi tomonidan “Besh tashabbus olimpiadasi” doirasida tashkil etildi. Tanlovning asosiy maqsadi yosh avlod qalbida kitobga muhabbat uyg‘otish, o‘qish madaniyatini yuksaltirish va oilalarda mutolaa an’analarini keng targ‘ib etishdan iboratdir. Shu bois, ishtirokchi oilalar o‘z bilimlari, kitobxonlik ko‘nikmalari, shuningdek, farzandlarida kitobga mehr uyg‘otish borasidagi tajribalarini namoyish etdilar. Qizg‘in bahs-munozaralar va sinovlardan so‘ng, hakamlar hay’ati tanlov yakunlariga ko‘ra eng faol va bilimli oilalarni aniqladi: 🥇 1-o‘rin – Jo‘rayevlar oilasi; 🥈 2-o‘rin – Kamoljonovlar oilasi; 🥉 3-o‘rin – Abdullayevlar oilasi. Tanlov g‘olib va sovrindorlari munosib taqdirlanib, ularga esdalik sovg‘alari topshirildi. Bundan tashqari, shahar bosqichida yuqori natijaga erishgan oilalar viloyat bosqichida ishtirok etish uchun yo‘llanma qo‘lga kiritdilar.