22–23-avgust kunlari mamlakatimizning barcha hududlarida umumxalq xayriya hashari uyushqoqlik bilan tashkil etilmoqda. Hashar davomida mahallalardagi xonadonlar, guzarlar, ko‘chalar hamda qabristonlar obodonlashtirilib, beg‘ubor va fayzli maskanga aylantirilmoqda. Umumxalq hashari xalqimizning asrlar davomida shakllangan qadriyatlarini, xususan, o‘zaro yordam, bir-birini qo‘llab-quvvatlash va mehr-oqibatni yana bir bor amalda namoyon etadi. Shu bois, barchamizni ushbu umumxalq xayriya hasharida faol ishtirok etishga, o‘z hissamizni qo‘shib, mahallamizni yanada go‘zal va fayzli maskanga aylantirishga chorlaymiz.