Yurtimizda mahallalarni obod qilish, ko‘chalarni pokiza tutish, guzarlarni fayzli maskanga aylantirish maqsadida umumxalq xayriya hasharlari o‘tkazib kelinmoqda. Bu ezgu an’ana nafaqat tozalik va tartibni ta’minlaydi, balki mahalla ahli o‘rtasida birdamlik, hamjihatlik va mehr-oqibatni yanada mustahkamlaydi. “Obod mahalla – obod yurt” degan hikmat bejiz aytilmagan. Mahallalarning toza, obod va fayzli bo‘lishi – yurtimizning ko‘rki, xalqimizning madaniyati va ma’naviyatidan dalolatdir.