O‘zbekiston Respublikasi Prezidentining 2024-yil 16-dekabrdagi “Farg‘ona viloyatini ijtimoiy-iqtisodiy rivojlantirish hamda investitsiya va tadbirkorlik muhitini yanada yaxshilash chora-tadbirlari to‘g‘risida”gi PQ-440-sonli qarori ijrosi bo‘yicha Quvasoy shahrida zamonaviy savdo-logistika markazini qurish rejalashtirilgan. Bugungi uchrashuvda Xitoylik investorlar Quvasoy shahrida yirik savdo-logistika markazi qurilishi loyihasiga mablag‘ kiritish istagini bildirdilar. Ushbu markazning qurilishi bilan bog‘liq masalalar atroflicha muhokama qilindi. Shahar hokimi taklif qilinayotgan investitsion loyihaning shahar iqtisodiyoti uchun ahamiyati katta bo‘lishini ta’kidlab, loyiha to‘la qo‘llab-quvvatlanib, har tomonlama ko‘mak berilishini bildirdi. Muloqot davomida muhokama qilingan masalalar bo‘yicha hamkorlikda ish tashkil etishga kelishib olindi.