Xalq deputatlari Buvayda tuman Kengashining VII sessiyasi bo‘lib o‘tdi. Sessiyada Kengash deputatlari, tuman hokimining o‘rinbosarlari, tegishli tashkilot va muassasa rahbarlari, mahalliy Kengash kotibiyati hamda ommaviy axborot vositalari vakillari ishtirok etdi. Yig‘ilishda bir qator muhim masalalar muhokama qilindi: - “Suv yetkazib berish xizmati” davlat muassasasi tomonidan hududlar, manbalar va suv iste’molchilari bo‘yicha suv olish limitlari tasdiqlandi; - Jamoatchilik fikri asosida tanlab olingan tadbirlar uchun “Fuqarolar tashabbusi jamg‘armasi”dan mablag‘ ajratish masalasi ko‘rib chiqildi; - “Mirzaholiq Tursunoy Momo” fermer xo‘jaligi bilan tuman hokimligi o‘rtasidagi yer ijara shartnomasini muddatidan oldin bekor qilish bo‘yicha sudga murojaat kiritish masalasi muhokama qilindi va ma’qullandi. Sessiya davomida kun tartibidagi masala yuzasidan keng muhokama o‘tkazilib, tegishli qaror qabul qilindi.