Davlatimiz rahbarining mahallalarda tomorqalardan samarali foydalanishni tashkil etish orqali aholi bandligi va daromadlarini oshirish bo‘yicha ishlarni yanada jadallashtirishga oid farmoyishiga binoan e’lon qilingan “Dolzarb bir oylik” safarbarligi tadbirlari Quvasoy shahrida avj pallaga kirdi. Ana shu xayrli tadbirlarda shahar yoshlari ham faollik ko‘rsatmoqda. Xususan, shijoatkor yoshlar mahallalardagi ehtiyojmand va yakka-yolg‘iz yashovchi keksalarning tomorqalarini tartibga keltirish, ekin ekib berish, ko‘chalar va uy-joylarni obodonlashtirishda yaqindan ko‘makchi bo‘lishmoqda. Shahar hokimligi va Yoshlar ishlari bo‘limi hamkorligida “Lashkar” mahallasida tashkillangan huddi shunday yana bir ezgu amal, e’tibordan mamnun bo‘lgan xonadon egalari qo‘llarini duoga ochdi. Safarbarlik doirasida belgilangan tadbirlar joylarda qizg‘in davom etmoqda.