Bugun Prezidentimiz Shavkat Mirziyoyev boshchiligida O‘qituvchi va murabbiylar kuni arafasida soha xodimlari bilan muloqot o‘tkazildi. Muloqotda yurtimizda so‘nggi 8 yilda ta’limga, ustozlarga berilayogan e’tibor, erishilgan yutuqlar, qilinishi kerak bo‘lgan vazifalar to‘g‘risida bir qancha yangiliklar aytildi. Prezidentimizning muloqotida soha xodimlarini qo‘llab-quvvatlashga qaratilgan alohida e’tibordan barcha minnatdor bo‘lib, xursandchilik bilan kutib oldi. Yurtboshimiz bilan o’tkazilgan onlayn muloqotdan so’ng shahar hokimi Zafarjon To'raqulov yaqinlashib kelayotgan O‘qituvchi va murabbiylar kuni bilan barcha ta’lim sohasi xodimlarini bayramlari bilan muborakbod etdi. Shundan so‘ng, shahardagi “Visol” tantanalar majmuasida ta’lim sohasi xodimlari vakillari uchun “Yangi O‘zbekiston tayanchi, Siz aziz ustozlar!”, mavzusidagi bayram kechasi bo‘lib o‘tdi. Bayram dasturxon atrofida shahar madaniyat bo‘limi xodimlarining chiqishlari va ular ijrosidagi kuy-qo‘shiqlar barchaga birdek manzur bo‘ldi.