"Tashabbusli budjet" loyihasining joriy yilgi birinchi bosqichida “Pastki Valik” mahallasining ta’mirga muhtoj bo‘lgan ichki yo‘llarni ta’mirlash bilan bog‘liq tashabbus g‘olib deb topilgan edi. Ayni kunlarda, tashabbus natijasida mahallaning Chaman, Istirohat va Zilol ko‘chalarining jami 4000 metr ichki yo‘llari astfaltlanmoqda. Asfaltlashtirish ishlari zamonaviy texnologiyalar asosida, belgilangan qurilish-montaj meyorlariga muvofiq amalga oshirilmoqda. Yoʻl qurilishi jarayonlari tegishli mutasaddi tashkilotlar tomonidan qat’iy nazoratga olingan bo‘lib, ishlar belgilangan muddatlarda va sifat talablariga mos ravishda yakunlanishi ko‘zda tutilgan. Bundan tashqari, "Tashabbusli budjet" loyihasining o‘tgan yilgi mavsumida ham mahallaning 4000 metrga yaqin ichki yo‘llari astfaltlangan edi. 🇺🇿Quvasoy shahar hokimligi Axborot xizmati