Quvasoy shahar hokimligi majlislar zalida shahar hokimi o‘rinbosarlari, tegishli korxona va tashkilot rahbarlari hamda “Mahalla yettiligi” vakillari ishtirokida yig‘ilish bo‘lib o‘tdi. Unda belgilangan soliq tushumlari ijrosi hamda mahalliy budjetga undirilishi tahlil qilindi. Shuningdek, tashqi mehnat migratsiyasi yo‘nalishida amalga oshiriladigan ishlar yuzasidan har bir hudud bo‘yicha aniq prognoz ko‘rsatkichlar belgilash, “Yo‘l xarita”lar ishlab chiqish, xorijda vaqtincha mehnat faoliyatini yuritib vatanga qaytgan fuqarolar, ayniqsa, yoshlar va xotin-qizlar bandligini ta’minlash, ularni tadbirkorlikka jalb etish bo‘yicha tegishli chora-tadbirlarni amalga oshirish masalalarida mahalla raislari, hokim yordamchilari hamda tegishli soha rahbarlariga topshiriqlar berilib ijrosi nazoratga olindi. 🇺🇿Quvasoy shahar hokimligi Axborot xizmati