Xabaringiz bor, respublika ishchi guruhi tomonidan mahallalarda aholi bilan muloqotlar tashkil etilib, ularning muammolarini hal etish, hududlar infratuzilmasini yaxshilash va boshqa ijtimoiy-iqtisodiy masalalar yuzasidan sayyor qabul hamda uchrashuvlar o‘tkazilmoqda. Jumladan, bugun Respublika ishchi guruhi rahbari - Prezident maslahatchisining birinchi o‘rinbosari Poʻlat Bobojonov Quvasoy shahrida bo‘lib, “Bunyodkor yoshlar” tadbirkorlik va sanoat zonasidagi korxonalar faoliyati bilan tanishdi. Respublika ishchi guruhi yangidan ta’mirlanib, zamonaviy qiyofa kasb etgan 2-umumiy o‘rta ta’lim maktabida ham bo‘lib, bitiruvchi yoshlar bilan samimiy muloqot qildi. Ularning kelgusidagi rejalari haqida eshitdi. O‘quvchilarning munosib kasb tanlashlari va bilimlarni mukammal egallashlari uchun o‘z tavsiyalarini berib o‘tdi. 🇺🇿Quvasoy shahar hokimligi Axborot xizmati