Mahallalarda faoliyat olib borayotgan hokim yordamchilari faoliyati samaradorligini oshirish bo‘yicha belgilangan chora-tadbirlar mavzusida ochiq muloqot o‘tkazildi. Unda shahar hokimi Zafarjon To‘raqulov, tegishli korxona va tashkilot rahbarlari hamda hokim yordamchilari ishtirok etdilar. Muloqotda har bir mahalla hokim yordamchilarining faoliyat samaradorligi, sohada yo‘l qo‘yilayotgan xato va kamchiliklar, ularni bartaraf etish mexanizmlari va har bir xonadonni kambag‘allikdan chiqarish, ularni daromad manbayiga ega qilish orqali farovon turmush tarzini yo‘lga qo‘yish kabi bir qator masalalar haqida so‘z bordi. Bugungi kunda yurtimizda olib borilayotgan o‘zgarishlar va Prezidentimiz tomonidan amalga oshirilayotgan katta islohotlarga daxldor bo‘lgan holda xalq manfaati va farovonligi yo‘lida mehnat qilish har bir davlat idorasi xodimining ustuvor vazifasi ekanligi ta’kidlab o‘tildi.