Bugun barcha davlat idoralari faoliyatida aholining murojaatlari bilan ishlash bo‘yicha sifat jihatidan mutlaqo yangi tizim yaratildi. Joylarda o‘tayotgan sayyor qabullar xalqning dardini eshitish, ularning muammolarini hal etishda, shak-shubhasiz, kutilgan natijalarni bermoqda. Xususan, Qo‘shtepa tumanida viloyat hokimining o‘rinbosari, oila va xotin-qizlar boshqarmasi boshlig‘i K.Kavlonova ishtirokida fuqarolarning sayyor qabuli bo‘lib o‘tdi. Qabul davomida tumandagi 10 nafardan ziyod xotin-qizlarning murojaatlari tinglandi va muammolari o‘rganildi. Murojaatlarning barchasi esa ijobiy xal etildi.