Qo‘shtepa tumani hokimligining majlislar zalida tumandagi iqtidorli qizlar va ularning onalari ishtirokida “Qiz bolaning tarbiyasi – millat tarbiyasi” shiori ostida anjuman o‘tkazildi. Tadbirda viloyat hokimi o‘rinbosari, oila va xotin-qizlar boshqarmasi boshlig‘i K.Kavlonova, viloyat “Oqila ayollar” harakati a’zolari X.Karimova, J.Axmedova hamda tuman hokimi o‘rinbosari, oila va xotin-qizlar bo‘limi boshlig‘i M.Yuldashevalar ishtirok etishdi. Anjumanni o‘tkazishdan asosiy maqsad, qiz bolalarning tarbiyasiga e’tibor qaratish orqali sog‘lom, bilimli, oriyatli, vatanparvar avlodni voyaga yetkazish. Shuningdek oila, ta’lim muassasalari va jamiyatning bu boradagi mas’uliyatini mustahkamlashdan iboratdir.