Farg‘ona tumanidagi “Birdamlik” mahalla fuqarolar yig‘ini hududida muhim infratuzilma islohotlari boshlab yuborildi. Ushbu harakatlar O‘zbekiston Respublikasi Prezidentining “Kambag‘allikdan farovonlik sari” dasturini amalga oshirish bo‘yicha birinchi navbatdagi chora-tadbirlar to‘g‘risida”gi qarori ijrosini ta‘minlash maqsadida amalga oshirilmoqda. Ayni kunlarda mahallada elektr tarmoqlarini modernizasiya qilish va yangilash ishlari amalga oshirilmoqda. Loyiha doirasida hududga olib kelingan zamonaviy temir-beton tayanch ustunlari o‘rnatilmoqda. Shu bilan birga, 10 kilovoltli yangi elektr uzatish tarmoqlarini tortish ishlari ham bosqichma-bosqich bajarilmoqda. Mazkur ishlar natijasida aholining elektr ta‘minoti bilan bog‘liq muammolari bartaraf etilishi, energiya uzatish tizimining ishonchliligi oshishi va farovon yashash sharoitlari yaratilishi ko‘zda tutilgan.