QUVASOY SHAHRIDA 24 NAFAR XOTIN-QIZLARGA ZAMONAVIY TIKUV MASHINALARI BERILDI
2023-10-23 14:08:05 513
“Ayollar daftari”ga kiritilgan 24 nafar ehtiyojmand va ishsiz xotin-qizlarning doimiy daromad manbaiga ega bo’lishlariga ko’maklashish maqsadida subsidiyalar ajratilib, zamonaviy tikuv mashinalari topshirildi.
Shu munosabat bilan o’tkazilgan tadbirda shahar hokimining birinchi o’rinbosari Xusanboy Xoldarov ishtirok etdi.
So’z olganlar tomonidan Prezidentimiz tashabbusi bilan mamlakatimizda xotin-qizlarni har tomonlama qo’llab-quvvatlash, ijtimoiy himoyasini kuchaytirish va turmush sharoitlarini yaxshilash maqsadida tizimli ishlar olib borilayotganligi va imkoniyatlardan samarali foydalanish kerakligi ta'kidlandi.
O’z navbatida zamonaviy tikuv mashinalariga ega bo’lgan xotin-qizlar ham e'tibor va g’amxo’rlik uchun minnatdorchilik bildirdilar.
Ma'lumot o’rnida, Quvasoy shahrida joriy yilning o’tgan davrida jami 40 nafar “Ayollar daftari”ga kiritilgan xotin-qizlarga tikuv mashinalari berildi.
Bizni ijtimoiy tarmoqlarda kuzating
Facebook,
Telegram,
Twitte,
YouTube,
Instagram
