ЙЎЛ ИНФРАТУЗИЛМАСИНИ ЯХШИЛАШ МАҚСАДИДА ҚУВАСОЙ ШАҲРИДА АМАЛИЙ ИШЛАР ДАВОМ ЭТМОҚДА
2023-10-23 14:10:32 968
Полмон маҳалла фуқаролар йиғини Қувасой шаҳрининг қўшни Қирғизистон Республикаси билан чегара ҳудудида жойлашган. Бу ерда ўзбек, қирғиз, тожик каби турли миллат вакиллари аҳил-иноқликда яшаб келмоқда.
Давлатимиз раҳбари ташаббуси билан амалга оширилаётган ислоҳотлар маҳалладаги бунёдкорлик ишлари мисолида ҳам яққол бўй кўрсатмоқда.
Айни кунларда Қайрилма ҳамда Фермер кўчаларида 580 метр ички йўлларга давлат дастури асосида асфальт ётқизилиб, текис ва равон кўриниш касб этмоқда.
Ҳоким ёрдамчиси Достонбек Назаровнинг маълумотига кўра, жорий йилнинг ўтган даври давомида ҳудудда қарийб 4,1 км масофадиги ички йўллар асфальтлаштирилди.
Албатта, бу каби эзгу ишлар аҳоли кайфиятини кўтариб, эртангги кунга бўлган ишончини янада мустаҳкамлашга хизмат қилади.
Бизни ижтимоий тармоқларда кузатинг
Facebook,
Telegram,
Twitte,
YouTube,
Instagram
