"Dolzarb-90 kunlik" Joriy yilning 15 may kuni Prezidentimiz rahbarligida maktab ta’limi tizimidagi islohotlarga bag‘ishlangan videoselektor yig‘ilishida “Dolzarb 90 kun” dasturi e’lon qilingan edi. Mazkur dastur doirasida Dang‘ara tumanida maktab o‘quvchilari va uyushmagan yoshlarning bo‘sh vaqtini mazmunli tashkil etish, ularni sog‘lomlashtirish hamda har tomonlama rivojlantirish bo‘yicha keng qamrovli ishlar amalga oshirilmoqda. Dang‘ara tumani Sport maktabida sportning stritbol turi bo‘yicha «Prokuror kubogi»ning ikkinchi bosqichi qizg‘in baxslar bilan boshlandi. Musobaqada Dang‘ara tuman prokurori hamda Dang‘ara tuman Yoshlar ishlari bo‘lim boshlig‘i ishtirok etib, musobaqa ishtirokchilariga omadlar tiladi.