Kuni kecha, Xitoyning Xenan provinsiyasi Luolong shahri hokimligining Bai Zibin boshchiligidagi delegatsiyasi Quvasoy shahrida bo‘ldi. Tashrifdan ko‘zlangan asosiy maqsad — ijtimoiy-iqtisodiy, turizm sohalarida hamkorlikni yo‘lga qo‘yish, mintaqaning iqtisodiy salohiyati bilan yaqindan tanishish hamda xorijiy investorlarni jalb qilish va ikki tomonlama hamkorlik imkoniyatlarini kengaytirishdan iborat bo‘ldi. Tashrif doirasida Qo‘qon EIZ Quvasoy filiali hududida yangi loyihalar va "Bunyodkor" yoshlar, sanoat va tadbirkorlik zonasiga bir qator loyihalar bilan tanishildi. Qo‘qon EIZ Quvasoy filiali hududida yangi loyihalarni ishga tushirishda imtiyozlar mavjudligi tushuntirildi hamda shu hudddagi bo‘sh yer maydonlarda yangi loyihalar amalga oshirish bo‘yicha tavsiyalar berildi. Muloqot davomida muhokama qilingan masalalar bo‘yicha hamkorlikda ish tashkil etishga kelishib olindi.