O‘zbekiston Respublikasi Prezidentining 2025-yil 30-yanvardagi PF–46-sonli Farmoni – “O‘zbekiston–2030” strategiyasini “Atrof-muhitni asrash va “yashil iqtisodiyot” yilida amalga oshirishga oid Davlat dasturi to‘g‘risidagi hujjat ijrosini ta‘minlash maqsadida, Farg‘ona tuman prokuraturasi va tuman Ekologiya bo‘limi tomonidan hamkorlikda tizimli va amaliy ishlar olib borilmoqda. Xususan, “Yangi asr” mahalla fuqarolar yig‘ini hududida joylashgan “Yangi O‘zbekiston” massividagi “Yashil bog‘” va “Yashil jamoat parklari”da loyiha doirasida ekilgan ko‘chatlar ko‘zdan kechirildi. O‘rganishlar jarayonida daraxtlarni to‘g‘ri parvarishlash, agrotexnik tadbirlarni sifatli tashkil etish, sug‘orish tizimini to‘g‘ri yo‘lga qo‘yish bo‘yicha mas‘ul xodimlarga zarur tavsiya va maslahatlar berildi. Mutasaddilarga har bir ekilgan ko‘chatga farzanddek yondashish, uni asrab-avaylash, g‘amxo‘rlik bilan parvarish qilish zarurligi ta‘kidlab o‘tildi. Zero, har bir yashil maydon va daraxt kelajak avlodga toza muhit, sog‘lom hayot tarzini ta‘minlash yo‘lida muhim ekotizim vositasi hisoblanadi. Mazkur hamkorlikda olib borilayotgan nazorat va amaliy choralar “O‘zbekiston–2030” strategiyasining ekologik maqsadlarini amalda ro‘yobga chiqarish, shuningdek, aholi o‘rtasida atrof-muhitga e‘tibor madaniyatini shakllantirishga xizmat qilmoqda.