Quvasoy shahar hokimi Zafarjon To‘raqulov Janubiy Koreyalik investorlar bilan yangi loyihalar bo‘yicha uchrashuv o‘tkazdi O‘zbekiston Respublikasi Prezidenti Administratsiyasi topshirig‘iga ko‘ra, Quvasoy shahridagi “Bunyodkor yoshlar va tadbirkorlik sanoat zonasi”da eksperiment tariqasida “Kichik quyosh fotoelektr stansiyasi”ni tashkil etish investitsiya loyihasini amalga oshirish, mazkur muqobil energiyani arzon va uzluksiz yetkazib berish bo‘yicha tashkiliy chora-tadbirlarni belgilash topshirig‘i berilgan. Shundan kelib chiqib, bir qator xorijiy investorlar bilan muloqotlar olib borilmoqda. Xususan, quyosh fotoelektr stansiyasini tashkil etish istagini bildirgan Janubiy Koreya kompaniyasiga “Bunyodkor yoshlar va tadbirkorlik sanoat zonasi” hududiga tutash yerlar faoliyat boshlash uchun ko‘rsatilib, loyihani boshlash uchun qonunchilikdagi imtiyoz va imkoniyatlar bilan tanishtirildi. Quvasoy shahar hokimligi Axborot xizmati