Bugun futbol bo‘yicha O‘zbekiston U-17 terma jamoasi a’zosi, “Kelajak bunyodkori” medali sohibi Asilbek Aliyev tug‘ilib o‘sgan Buvayda tumanida tantanali kutib olindi. Sportchini tuman hokimi Behzodjon Ibragimov boshchiligida hokim o‘rinbosarlari, korxona va tashkilotlar rahbarlari, nuroniylar, sportchilar, yoshlar va keng jamoatchilik vakillaridan iborat 10 mingdan ortiq fuqaro olqishlar bilan kutib oldi. Tadbir sportchining xonadoni oldida, tumanga kiraverishdagi yo‘llarda odamlar bilan to‘lgan sahnada bo‘lib o‘tdi. Bu yuksak e’tibor va samimiy qarshi olish — yoshlarimizga bo‘lgan katta ishonch va rag‘bat ifodasidir.