QUVASOY SHAHRIDA G’ALLA O’RIMI UYUSHQOQLIK BILAN DAVOM ETMOQDA
![](https://quvasoy.uz/uploads/bot/3cb62f80ef9f1cfd2563d.jpg)
2024-06-20 09:02:58 1001
Rizq-ro’zimiz bo’lgan g’allani qisqa fursatlarda yig’ishtirib olish ishlari Quvasoy shahrida ham qizg’in davom etmoqda.
Mirishkor bobodehqonlar mashaqqatli mehnat evaziga yetishtirilgan hosilni tashkillangan otryad yordamida nes-nobud qilmay yig’ishtirib olishga kirishganlar. Mirishkorlar joriy yilda ham g’alla parvarishini belgilangan agrotexnik tadbirlar asosida olib bordi. Hududlarda o’rim-yig’im mavsumiga tayyorgarlik uyushqoqlik bilan tashkil etildi.
Joriy yil hosili uchun Quvasoy shahridagi 71 ta fermer xo’jaliklarining 500 gektar maydonida boshoqli don parvarishlandi. Mavsum davomida fermer xo’jaliklari tomonidan davlat xaridlari uchun 1 100 tonna don yetkazib berish rejalashtirilgan.
Shahar mirishkorlarining mashaqqatli mehnati evaziga yetishtirilgan hosilni nes-nobud qilmay yig’ishtirib olish uchun 5 ta otryad tashkil etildi. Ularga 5 dona yuqori unumli don o’rim kombaynlari, 21 dona don tashish texnikalari, 4 ta ko’chma ustaxonalar va 2 dona yoqilg’i tashish texnikalari biriktirildi.
Bugungi kun holatiga 89 gektar maydonlaridan jami 390 tonna hosil yig’ishtirib olindi. Hozirda o’rim jarayoni jadallik bilan davom etmoqda.
![](https://telegra.ph/file/3cb62f80ef9f1cfd2563d.jpg)
![](https://telegra.ph/file/a71c159fb27e7fe709a28.jpg)
![](https://telegra.ph/file/f20dc02bc3f622d985d98.jpg)
![](https://telegra.ph/file/c4f2778e51c0a0b737067.jpg)
![](https://telegra.ph/file/d1bca0e91c7fce810f1b3.jpg)
Bizni ijtimoiy tarmoqlarda kuzating
Facebook,
Telegram,
Twitte,
YouTube,
Instagram