TOMORQA – DAROMAD MANBAI: MAMAYUNUS TO‘RAJONOV O‘ZI NOGIRON BO‘LSA-DA, YERDAN SAMARALI FOYDALANMOQDA
2024-05-14 09:50:31 1563
Yuqori Valik MFY da istiqomat qiluvchi hamshaharimiz 1997 - yilda tug‘ilgan Mamayunus To‘rajonov tomorqa – daromad manbai ekanligini yaxshi tushunadi. 2 - guruh nogironi bo‘lsa ham tinim bilmaydi.
U “Yoshlar daftariga” ro‘yxatga olingan bo‘lib, yoshlar yetakchisining ma’lumotiga ko‘ra, 2023 - yilda subsidiya asosida qurib berilgan 1 sotix issiqxonada mehnat qiladi.
Qulupnoy, chesnok, turli sabzavot-u ko‘katlar ekib, dehqonchilik bobida o‘z tajribalarini boyitmoqda.
Yetishtirayotgan oziq-ovqat mahsulotlarini ro‘zg‘oridan ortirib, xaridorlarga ham yetkazib bermoqda.
Mamlakatimizda oilaviy tadbirkorlikni rivojlantirish, ayniqsa, aholining tomorqadan unumli foydalanishini qo‘llab-quvvatlashga qaratilayotgan alohida e’tibor Mamayunus To‘rajonov faoliyati misolida ham o‘z aksini topmoqda deyish mumkin.
Bizni ijtimoiy tarmoqlarda kuzating
Facebook,
Telegram,
Twitte,
YouTube,
Instagram
