1. Bosh sahifa
2. Yangiliklar

QUVASOYNING “SEMENTCHI” JAMOASI UCHUN YANGI MARRALAR BELGILAB OLINDI

×

Bugun Quvasoy shahar hokimi Zafarjon To‘raqulov va “Sementchi” PFK rahbari Mo‘ysinjon Mehmonov ishtirokida “Sementchi” stadionida futbol jamoasi a’zolari bilan uchrashuv bo‘lib o‘tdi.

Samimiy muloqotda O‘zbekiston birinchi liga o‘yinlarida muvafaqqiyatli qatnashib kelayotgan shahrimiz jamoasining istiqboldagi rejalari, yangi marralari haqida so‘z bordi.

Uchrashuvda Birinchi liga o‘yinlarida ikkita g‘alaba, bitta durang natija bilan “Sementchi” jamoasi turnir jadvalida ikkinchi o‘rinda borayotgani qayd etilib, yutuqlarda murabbiylar shtabining alohida o‘rni borligi aytib o‘tildi. 

Jamoaga asosan yoshlar jalb etilgani, kelajakda ular uchun musobaqalarda qatnashish, xalqaro miqyosdagi o‘yinlarda nomdor jamoalar tarkibida to‘p surish, shuningdek, milliy terma jamoada o‘ynash uchun barcha shart-sharoitlar yaratilayotganiga, imkoniyat berilayotganiga e’tibor qaratildi. Buning uchun mehnat qilish, o‘z ustlarida ishlab, iqtidorlarini ro‘yobga chiqarishlari kerakligi ta’kidlandi.

Oldinda turgan vazifalar belgilab olindi.

Bizni ijtimoiy tarmoqlarda kuzating
Facebook, Telegram, Twitte, YouTube, Instagram