QUVASOYDA IFTORLIK DASTURXONI TASHKIL QILINDI
2024-03-26 11:45:21 779
Kuni kecha Quvasoy shahridagi “Turon” tantanalar majmuasida muborak ro‘za-ramazon oyi munosabati bilan hududdagi ro‘zador otaxon va onaxonlar va ijtimoiy himoyaga muhtoj oila a’zolari uchun iftorlik dasturxoni tashkil qilindi.
Davlatimiz rahbarining “Muborak Ramazon oyini munosib tarzda o‘tkazish to‘g‘risida”gi qarori ijrosi doirasida o‘tgan tadbirda so‘z olganlar tomonidan Ramazon ezgulik, shukronalik va barokat oyi ekanligi yana bir bor ta’kidlandi.
Zotan, ushbu fazilatli oyda kam ta’minlangan, ijtimoiy himoyaga muhtoj kishilarni har tomonlama qo‘llab-quvvatlash, oila va mahallalarda mehr-oqibat va o‘zaro hurmat muhitini mustahkamlash, muqaddas qadamjo va ziyoratgohlar, qabristonlarni obodonlashtirishga qaratilgan xayrli amallar o‘ziga xos an’anaga aylangan.
Quvasoy shahar hokimligi tashabbusi bilan tashkillangan iftorlik tadbirida ham ana shunday ezgu fazilatlar o‘z ifodasini topdi.
Nuroniylar yurtimiz tinchligi va osoyishtaligi uchun shukronalik bildirib, xalqimizga farovonlik tilab duolar qilishdi.
Bizni ijtimoiy tarmoqlarda kuzating
Facebook,
Telegram,
Twitte,
YouTube,
Instagram
