TA’LIM-TARBIYA DAVLAT SIYOSATI: QUVASOYDA NAMUNAVIY SEMINAR TASHKIL ETILDI
![](https://quvasoy.uz/uploads/bot/5df01f58f1fba4f5d0e69.jpg)
2024-02-15 11:26:01 882
Quvasoy shahridagi Pakana MFY da joylashgan 6-umumta’lim maktabida namunaviy seminar tashkil etildi.
Unda ta’lim maskanlaridagi ma’naviy-ma’rifiy ishlar samaradorligini oshirish va o‘quvchilarning darslardagi faol ishtirokini ta’minlash, obodonlashtirish va ko‘kalamzorlashtirish masalalari kun tartibidan o‘rin oldi.
Mavjud 29 ta maktablarning ma’naviy-marifiy ishlar bo‘yicha direktor o‘rinbosarlari hamda xo‘jalik mudirlari taklif etilgan tadbirni shahar Maktabgacha va maktab ta’limi bo‘limi mudiri Eldor Qo‘ziyev olib bordi.
350 nafardan ziyod o‘g‘il-qizlar ta’lim olayotgan va 30 nafar pedagoglar faoliyat yuritayotgan 6-maktabda olib borilgan ishlar seminar qatnashchilariga birma-bir tanishtirildi.
Milliy gvardiya tizimiga o‘tkazilgan inspektor-psixologlar o‘quvchilarning ta’lim-tarbiyasini tashkil etishda maktab jamoalariga yaqindan ko‘maklashishi, muntazam dars qoldiruvchi o‘quvchilarning ota-onalari bilan ishlashi yana bir bor ta’kidlandi.
Yangi tartibga ko‘ra ota-onalar va mahalla faollari ishtirokidagi “maktab — ota-ona — mahalla” hamkorligi uzviy tashkil etilib, endilikda maktab direktorlarining ma’naviy-ma’rifiy ishlar, Chaqiriqqa qadar yoshlarni tayyorlash bo‘yicha o‘rinbosarlari, psixolog va sinf rahbarlarining o‘quvchilar ma’naviyatini yuksaltirish va darslardagi ishtiroki, ta’lim-tarbiya ishlarini hamohang tashkil etishga doir mas’uliyati yanada oshiriladi.
Seminar davomida ishtirokchilar bilan kun tartibidagi masalalar yuzasidan muhokamalar o‘tkazilib, oldinda turgan vazifalar kelishib olindi.
![](https://telegra.ph/file/5df01f58f1fba4f5d0e69.jpg)
![](https://telegra.ph/file/e3df2342c90352138b5a0.jpg)
![](https://telegra.ph/file/736e835e45562c4bdbe78.jpg)
![](https://telegra.ph/file/39d5f4d085c655772e102.jpg)
![](https://telegra.ph/file/24919fefa2fda48362cdf.jpg)
![](https://telegra.ph/file/9b159b14c106fb7ef2f50.jpg)
![](https://telegra.ph/file/60768568a781b636db100.jpg)
Bizni ijtimoiy tarmoqlarda kuzating
Facebook,
Telegram,
Twitte,
YouTube,
Instagram