1. Bosh sahifa
2. Yangiliklar

“MAHALLADA DUV - DUV GAP” TADBIRIDA ZAKOVATCHILAR TAQDIRLANISHDI

×

Quvasoy axborot - kutubxona markazida navbatdagi “Mahallada duv - duv gap” tadbiri tashkil etildi. Shahardagi A.Navoiy hamda Cho‘lpon MFY lar aholisi taklif etilgan tadbir ko‘tarinki ruhda o‘tdi.

Tadbirda shahar hokimi o‘rinbosari Alisher Mamajonov, shahar Mudofaa ishlari bo‘limi boshlig‘i Akbarjon Muratov hamda mutasaddi idoralar vakillari, imom - xatib va nuroniylar, yoshlar, harbiylar ishtirok etdi.

So‘z olganlar yurtimizda olib borilayotgan ezgu ishlar, sohalardagi o‘zgarish va yangiliklar haqida to‘xtalib o‘tdilar.

Viktorina o‘yinlari, shahar madaniyat bo‘limi xodimlari ijrosidagi qo‘shiqlar, raqs to‘garagi a’zolarining chiqishlari barchaga yuqori kayfiyat bag‘ishladi. 

Yakunda shu kuni yoshlar ishtirokida bo‘lib o‘tgan “Zakovat” intellektual o‘yini g‘oliblariga tashkilotchilarning faxriy yorliq va esdalik sovg‘alari topshirildi.

Bizni ijtimoiy tarmoqlarda kuzating
Facebook, Telegram, Twitte, YouTube, Instagram