1. Bosh sahifa
2. Yangiliklar

VATAN RAVNAQIGA BARCHAMIZ O‘Z XISSAMIZNI QO‘SHAYLIK! QUVASOYDA O‘TAYOTGAN “MAHALLADA DUV - DUV GAP” TADBIRLARIDA AYNI JIHAT USTUVOR AHAMIYAT KASB ETMOQDA

×

Quvasoy shahridagi 24 – maktabda “Yangi hayot uchun, Yangi O‘zbekiston uchun!” shiori ostida “Mahallada duv - duv gap” tadbiri tashkil etildi.

Mazkur ma’naviy - ma’rifiy va madaniy - musiqiy tadbirga “Guliston”, “Yoshlik” va “Hamdo‘stlik” mahalla fuqarolar yig‘inlari aholisi jalb etildi. Unda shahar hokimi o‘rinbosarlari Alisher Mamajonov, Nigora Ubaydullayeva, shahar Mudofaa ishlari bo‘limi boshlig‘i Akbarjon Muratov, Yoshlar ishlari agentligi shahar bo‘limi mas’ullari, ma’naviyat targ‘ibotchilari ishtirok etdi.

So‘z olganlar tomonidan Prezidentimiz Shavkat Mirziyoyev raisligida 2023 - yil 22 - dekabr kuni bo‘lib o‘tgan Respublika Ma’naviyat va ma’rifat kengashining kengaytirilgan yig‘ilishida berilgan topshiriqlar ijrosiga e’tibor qaratildi.

Ma’naviyat va ma’rifat sohasida milliy g‘oyani rivojlantirish, ayollarning ta’lim olishi va kasb - hunar egallashiga e’tiborni kuchaytirish kabi 9 ta yo‘nalishda muhim tashabbuslar ilgari surilgani yurtimizning kelgusi taraqqiyotida, ravnaqida muhim ahamiyat kasb etishi ta’kidlandi.

Yangi O‘zbekistonni bunyod etish yo‘lida amalga oshirilayotgan keng ko‘lamli islohotlar, erishilayotgan yutuqlar haqida to‘xtalib o‘tildi.

Qiziqarli viktorina o‘yinlari o‘tkazilib, unda faol qatnashganlarga esdalik sovg‘alari topshirildi. San’at ustalari ijrosidagi kuy - qo‘shiqlar yig‘ilganlarga yanada ko‘tarinki kayfiyat bag‘ishladi.

Bizni ijtimoiy tarmoqlarda kuzating
Facebook, Telegram, Twitte, YouTube, Instagram