1. Bosh sahifa
2. Yangiliklar

YANGI YIL SHUKUHI: QUVASOYDA ARZONLASHTIRILGAN SAVDO YARMARKASI FAOLIYAT KO‘RSATMOQDA

×

Quvasoy shahri markazidagi “Dehqon bozori” MCHJ hududida arzonlashtirilgan savdo yarmarkasi tashkil etildi.

Bozor ma’muriyati ma’lumotiga ko‘ra, bu yerda 36 turdagi arzonlashtirilgan qishloq xo‘jaligi va oziq-ovqat mahsulotlari sotilmoqda.

Yangi yil bayrami oldidan dehqon va bog‘bonlar tomonidan yetishtirilgan sifatli va sarxil mevalar, sabzavot va poliz mahsulotlari, shuningdek, asal, tuxum, go‘sht kabi turli oziq - ovqat mahsulotlari xaridorlarga arzon narxlarda yetkazib berilmoqda.

Quvasoyliklarning bayram dasturxoni to‘kin bo‘lishini ta’minlashga, narx-navo keskin oshib ketishining oldini olishga qaratilgan savdo yarmarkasi faoliyati mas’ul idoralar tomonidan tegishli tartibda nazoratga olingan.

Bizni ijtimoiy tarmoqlarda kuzating
Facebook, Telegram, Twitte, YouTube, Instagram