“AYOLLAR DAFTARIGA” KIRITILGAN XOTIN - QIZLARGA BAYRAM SOVG‘ALARI TOPSHIRILDI
2023-12-22 18:55:30 950
Bugun Quvasoy shahridagi “Zebuniso” madaniyat uyida “Ayollar daftari” da ro‘yxatda turgan xotin - qizlar uchun tadbir tashkil etildi.
400 nafardan ziyod xotin - qizlar taklif etilgan tadbirda madaniyat uyi xodimlari tomonidan tayyorlangan teatrlashgan sahna chiqishlari, go‘zal qo‘shiq va raqslar yig‘ilganlarga ko‘tarinkilik bag‘ishladi.
Shahar hokimi o‘rinbosari – oila va xotin-qizlar bo‘limi boshlig‘i Nigora Ubaydullayeva ishtirokchilarni yaqinlashib kelayotgan Yangi yil ayyomi bilan qutlab, ularga bayram sovg‘alarini topshirdi.
Ijtimoiy ahvoli va turmush sharoiti og‘ir, ishsiz va ijtimoiy faol bo‘lmagan xotin-qizlarni ijtimoiy — huquqiy, psixologik, tibbiy va moddiy qo‘llab - quvvatlash, ularga yaqindan ko‘mak ko‘rsatishga qaratilgan tadbirlar joylarda davom etmoqda.
Bizni ijtimoiy tarmoqlarda kuzating
Facebook,
Telegram,
Twitte,
YouTube,
Instagram
