1. Bosh sahifa
2. Yangiliklar

УЙДА ҚОЛИБ, САБР ҚИЛАРМИЗ

Эл бошига бир иш тушганда,

Ер юзига ташвиш тушганда,

Бизга битта юмуш тушганда,

Уйда қолиб, сабр қилармиз,

Яратганга шукр қилармиз.

Эл дардида Юртбоши турар,

Ҳар сония халқ ҳолин сўрар.

Тез орада яхшилик бўлар,

Уйда қолиб, фикр қилармиз.

Яратганга шукр қилармиз.

Зўр синовда турибди дунё,

Асли ҳеч дард бўлмас бедаво.

Тезроқ кетсин десак бу бало,

Уйда қолиб зикр қилармиз,

Яратганга шукр қилармиз.

Барчамизга берсин офият,

Нажот сўрар бор инсоният.

Биргаликда қилайлик ният,

Уйда қолиб, сабр қилармиз,

Яратганга шукр қилармиз.

Дилшод БОТИР