XITOY KOMPANIYASI VILOYATIMIZDA ATTRAKTSIONLAR HAMDA QISHLOQ XO’JALIGI UCHUN MINI-TEXNIKALAR ISHLAB CHIQARISHNI REJALASHTIRMOQDA
2024-02-28 11:45:10 596
Viloyat hokimi Xayrullo Bozorov Xitoyning Zhengzhou Limeiqi Amusement Equipment kompaniyasi rahbarlari Xan Shu Lan hamda Li Shou Pinni qabul qildi.
Uchrashuvda Xitoy kompaniyasi tomonidan Quvasoydagi sanoat zonasi hududida istirohat bog’lari uchun attraktsionlar hamda qishloq xo’jaligi uchun mini-texnikalar ishlab chiqarish bo’yicha amalga oshirish rejalashtirilayotgan investitsion loyiha muhokama qilindi.
1986 yildan beri faoliyat ko’rsatib kelayotgan Zhengzhou Limeiqi Amusement Equipment attraktsionlarni loyihalash va ishlab chiqish bo’yicha Xitoyning yirik kompaniyalaridan biri hisoblanadi. Kompaniya viloyatimizda amalga oshirish ko’zda tutilayotgan loyiha uchun 10 mln. dollar investitsiya yo’naltirishni rejalashtirmoqda.
Viloyat rahbari Farg’ona viloyatining investitsion salohiyatiga hamda Xitoy kompaniyalari ishtirokidagi loyihalarga to’xtalib, Zhengzhou Limeiqi Amusement Equipment kompaniyasi loyihasini qo’llab-quvvatlashga tayyor ekanliklarini bildirdi.
Uchrashuvda viloyat hokimining o’rinbosari Nuriddin Mamajonov hamda Quvasoy shahar hokimi Zafarjon To’raqulov ishtirok etdilar.
Bizni ijtimoiy tarmoqlarda kuzating
Facebook,
Telegram,
Twitte,
YouTube,
Instagram
