“CHEMPION BO‘LAMAN!” DEGAN YOSHLAR ORZUSI SPORT MAKTABIDA AMALGA OSHMOQDA
2023-12-20 18:28:46 735
Quvasoy shahar 1 - sonli sport maktabida bugungi kunda 750 nafardan ziyod yoshlar muntazam sport bilan shug‘ullanib kelmoqda.
Maskanda 10 ta olimpiya, 1 ta milliy va 4 ta noolimpiya, jami 15 ta sport turlari mavjud. 30 nafar murabbiylar faoliyat olib bormoqda.
Sport maktabida bolalar va yoshlarning maktabdan tashqari sport ta’limi tizimini yanada takomillashtirish, sport zaxirasi va yuksak mahoratli sportchilarni tayyorlash maqsadida tizimli ishlar amalga oshirilmoqda.
Mas’ullar bergan ma’lumotlarga ko‘ra, joriy yilning o‘tgan davrida O‘zbekiston chempionatida quvasoylik sportchilar 12 ta birinchi o‘rin, 18 ta ikkinchi o‘rin va 19 ta uchinchi o‘rin natijalarini qayd etishdi.
O‘zbekiston kubogida esa 9 ta birinchi o‘rin, 6 ta ikkinchi o‘rin, 18 ta uchinchi o‘rin sohiblariga aylanishdi.
Ushbu sport maktabining 3 nafar tarbiyalanuvchisi Jahon chempionatida faxrli uchinchi o‘rinlarni qo‘lga kiritdilar.
Albatta, maktab jamoasi erishilgan natijalar bilan bir qatorda yana yangi marralarni zabt etishni maqsad qilgan.
Bizni ijtimoiy tarmoqlarda kuzating
Facebook,
Telegram,
Twitte,
YouTube,
Instagram
