“YILNING ENG NAMUNALI YOSHLAR YETAKCHISI” TANLOVINING VILOYAT BOSQICHIDA QUVASOYLIK YOSHLAR HAM FAXRLI O‘RINLARGA EGA CHIQISHDI
2023-12-18 11:23:40 610
Farg‘ona viloyati Bog‘dod tumanida Yoshlar siyosati va sport vazirligi tomonidan tashkil etilgan “Yilning eng namunali yoshlar yetakchisi” tanlovining viloyat bosqichi bo‘lib o‘tdi.
Tanlovda viloyatning 19 ta tuman va shaharlarining 1062 ta MFY laridan hudud bosqichida g‘olib bo‘lgan 190 nafar yoshlar yetakchilari 10 ta yo‘nalishda viloyat bosqichi g‘olibligi uchun bellashdilar.
Tanlov jarayonida har bir yetakchi faoliyati davomida erishgan yutuqlari va olib borgan samarali ishlari yuzasidan o‘z taqdimotlarini hakamlar hay’ati e’tiboriga havola qildi.
Tanlov yakuniga ko‘ra Quvasoy shahar Guliston MFY yoshlar yetakchisi Shodonbek Xusanov "Yoshlarning tadbirkorlik g‘oyalarini amalga oshirishda va bandliklarini taminlashda samarali ko‘maklashgan eng namunali yoshlar yetakchisi" yo‘nalishi bo‘yicha munosib qatnashib, faxrli 2-o‘rinni qo‘lga kiritdi.
"Yoshlar daftari" yo‘nalishi bo‘yicha Bog‘bon MFY yoshlar yetakchisi Davronjon Muqimov 3-o‘rin g‘olibi bo‘ldi.
Bizni ijtimoiy tarmoqlarda kuzating
Facebook,
Telegram,
Twitte,
YouTube,
Instagram
