“TSEMENTCHI” JAMOASI POYTAXTNING “BUNYODKOR-FARM” KLUBINI MAG’LUB ETDI
2023-11-16 08:59:42 561
O’zbekiston Professional futbol ligasi 1-liga jamoalari kubok o’yinlari doirasida Quvasoy shahrimizning “Tsementchi” jamoasi Toshkentning “Bunyodkor-Farm” futbol klubi bilan yarim finalning birinchi o’yinida kurash olib bordi.
O’yin mehmonlar hujumi bilan boshlandi. Ilk bo’lim oxirida Murod Ismoilov shogirdlari tashabbusni o’z qo’liga oldi va hisobni ochdi. Tanaffusga “Tsementchi” qo’li baland holda yo’l oldi.
Ikkinchi bo’limni quvasoyliklar faol boshlashdi.
Uchrashuvning 60 daqiqasida “Bunyodkor-Farm” yoshlari hisobni tenglashtirdi. Shundan so’ng yana “Tsementchi” tashabbusni o’z qo’liga oldi. 78 daqiqada mezbonlar ikki bor juda xavfli vaziyatni yuzaga keltirdi. To’p darvoza to’siniga tegib maydonni tark etdi. 86 daqiqada “Tsementchi” o’z maqsadiga yetdi.
22 raqamli futbolchi Umurzoqov g’alaba to’pini kiritdi. O’yin “Tsementchi”ning 2-1 hisobidagi g’alabasi bilan yakunlandi. 20 noyabr kuni yarim final javob o’yini Toshkentda bo’lib o’tadi.
Bahslarni e'tibor bilan kuzatib borgan Quvasoy shahar hokimi Zafarjon To’raqulov jamoaning kelgusi o’yinlariga ham omad tiladi.
Bizni ijtimoiy tarmoqlarda kuzating
Facebook,
Telegram,
Twitte,
YouTube,
Instagram
