ТАЙЁРГАРЛИК АВЖИДА
2019-12-17 10:09:33 225
Ўзбекистон Республикаси Олий Мажлиси Қонунчилик палатаси ва халқ депутатлари маҳаллий Кенгашларига “Янги Ўзбекистон – янги сайловлар!” шиори остида бўлиб ўтадиган сайлов кунига сиёсий партиялар фаоллиги, сайлов комиссияларининг пухта тайёргарлиги билан яқинлашиб борилмоқда.
Юқоридаги шиорга монанд бу сафарги сайловлар аввалгиларга нисбатан мутлақо янгича мазмун-моҳият, ўзгача рух касб этаётгани бугун ўз ифодасини топаяпти.
Қувасой шаҳрида ҳам фуқаролар кўтаринкилик кайфиятида, сайловчилар ва сиёсий партиялар вакилларининг фаоллигид сезилиб турибди, бу эса 22 декабрь куни сайловлар юқори савияда ўтишидан нишона бермоқда.
Ушбу муҳим сиёсий воқеага тайёргарлик жараёнлари давомида бутунлай янгича сайловлар мазмун-моҳиятига юртдошларимиз эътиборини қаратиш, хабардорлигини ошириш, ватан тақдирига дахлдорлик, фуқаролик бурчи туйғуларининг ошганлигидан далолат бериб турибди.
Таниқли санъаткорлар, спортчилар, эл-юрт ҳурматини қозонган инсонларнинг иштироки, бадиий-мусиқий дастурлар ушбу тадбирнинг оммавийлиги, халқчиллиги ва тарғибот таъсирчанлигини таъминлашга, пировардида сайловларда фаолликни таъминлашга хизмат қилмоқда.
Қувасой шаҳар ҳокимлиги Ахборот хизмати.
