SHAHAR HOKIMI TURKIYALIK INVESTORLAR BILAN HAMKORLIK MASALALARINI MUHOKAMA QILDI
2023-12-18 11:19:29 578
Quvasoy shahar hokimi Zafarjon To‘raqulov Turkiyaning “Akpamuk” tekstil kampaniyasi vakillarini qabul qildi.
Ushbu eksportyor korxona 1979 - yilda Istanbul shahrida tashkil etilgan bo‘lib, dastlab o‘z faoliyatini jun ip ishlab chiqarishdan boshlagan.
Hozirda qayta ishlangan va bo‘yalgan paxta iplarini, tayyor trikotaj mahsulotlarini asosan Yevropa bozorlariga eksport qilmoqda. Mehmonlar jahonning brend korxonalari bilan samarali hamkorlik olib borilayotgani, korxonada paypoq ishlab chiqarish ham yo‘lga qo‘yilgani haqida ma’lumot berdilar.
Shuningdek, investorlar O‘zbekistonda “Yashil energetika” yo‘nalishida olib borilayotgan ishlarga ham katta qiziqish bildirishdi. Mazkur tarmoqda ham yetarlicha bilim va tajribaga ega ekanliklarini qayd etdilar. Ularga davlatimiz rahbari tomonidan aholini elektr energiyasi bilan barqaror ta’minlash borasida belgilab berilgan chora-tadbirlar, investorlarga yaratilgan qulayliklar haqida to‘xtalib o‘tildi.
Tomonlar yangi loyihalarni amalga oshirishga kelishib oldilar.
Бизни ижтимоий тармоқларда кузатинг
Facebook,
Telegram,
Twitte,
YouTube,
Instagram
