ИЖТИМОИЙ СОҲА ОБЪЕКТЛАРИНИНГ КУЗ-ҚИШ МАВСУМИГА ТАЙЁРГАРЛИК ҲОЛАТИ ВА ТАЪЛИМ-ТАРБИЯ СИФАТИ ДЕПУТАТЛАР НАЗОРАТИДА
2023-11-16 10:41:00 713
Айни кунларда Халқ депутатлари Қувасой шаҳар Кенгаши депутатлари томонидан Ўзбекистон Республикаси Президентининг 2023 йил 10 апрелдаги “Ижтимоий соҳа объектларининг иситиш тизимларини давлат-хусусий шериклик асосида модернизация қилиш тўғрисида”ги қарори ижроси доирасида ҳудудларда ўрганишлар олиб борилмоқда.
Шунингдек, ўрганишлар давомида ижтимоий соҳа объектларининг куз-қиш мавсумига тайёргарлик ҳолати ва таълим-тарбия сифатига ҳам алоҳида эътибор қаратилмоқда.
Муаммо ва камчиликлар аниқланиб, мутасадди раҳбарларга депутатлик сўровлари юборилмоқда ва назоратга олинмоқда.
Хусусан, Халқ депутатлари шаҳар Кенгаши депутати Муҳсинжон Меҳмонов томонидан олиб борилган ўрганишлар давомида 25-умумтаълим мактабида янги иситиш қозонларининг ўрнатилиши якунига етмагани, қуриш-ўрнатиш ишлари ҳамда синов жараёнлари ўтказилаётгани аниқланди. Барча ишларни тез фурсатда якунига етказиш кераклиги тўғрисида тавсиялар берилди.
Бундай ўрганишлар шаҳардаги 7, 18-умумтаълим мактабиларда, 27, 13-сонли давлат мактабгача таълим ташкилотларида, тиббиёт муассасаларида ҳам амалга оширилди.
Бизни ижтимоий тармоқларда кузатинг
Facebook,
Telegram,
Twitte,
YouTube,
Instagram
