“ЦЕМЕНТЧИ” ЖАМОАСИ ПОЙТАХТНИНГ “БУНЁДКОР-ФАРМ” КЛУБИНИ МАҒЛУБ ЭТДИ
2023-11-16 08:59:42 562
Ўзбекистон Профессионал футбол лигаси 1-лига жамоалари кубок ўйинлари доирасида Қувасой шаҳримизнинг “Цементчи” жамоаси Тошкентнинг “Бунёдкор-Фарм” футбол клуби билан ярим финалнинг биринчи ўйинида кураш олиб борди.
Ўйин меҳмонлар ҳужуми билан бошланди. Илк бўлим охирида Мурод Исмоилов шогирдлари ташаббусни ўз қўлига олди ва ҳисобни очди. Танаффусга “Цементчи” қўли баланд ҳолда йўл олди.
Иккинчи бўлимни қувасойликлар фаол бошлашди.
Учрашувнинг 60 дақиқасида “Бунёдкор-Фарм” ёшлари ҳисобни тенглаштирди. Шундан сўнг яна “Цементчи” ташаббусни ўз қўлига олди. 78 дақиқада мезбонлар икки бор жуда хавфли вазиятни юзага келтирди. Тўп дарвоза тўсинига тегиб майдонни тарк этди. 86 дақиқада “Цементчи” ўз мақсадига етди.
22 рақамли футболчи Умурзоқов ғалаба тўпини киритди. Ўйин “Цементчи”нинг 2-1 ҳисобидаги ғалабаси билан якунланди. 20 ноябрь куни ярим финал жавоб ўйини Тошкентда бўлиб ўтади.
Баҳсларни эътибор билан кузатиб борган Қувасой шаҳар ҳокими Зафаржон Тўрақулов жамоанинг келгуси ўйинларига ҳам омад тилади.
Бизни ижтимоий тармоқларда кузатинг
Facebook,
Telegram,
Twitte,
YouTube,
Instagram
