ХИТОЙ КОМПАНИЯЛАРИ БИЛАН ҲАМКОРЛИКДА ҚУВАСОЙДА АМАЛГА ОШИРИЛИШИ РЕЖАЛАШТИРИЛГАН ЯНГИ ЛОЙИҲАЛАР КЎРИБ ЧИҚИЛДИ
2023-11-13 18:23:54 363
Қувасой шаҳар ҳокими Зафаржон Тўрақулов Хитойнинг Chengdu Shiny Technology компанияси вакиллари ва инвесторларни қабул қилди.
Мулоқотда “Hamkor - Shiny” МЧЖ шаклидаги Ўзбекистон-Хитой қўшма корхонаси таъсис этилаётгани, унинг истиқболдаги фаолияти ҳақида сўз борди.
Хусусан, газ, сув ва электр энергиясига тегишли бўлган ҳар хил турдаги электрон ҳисоблагичларни ишлаб чиқариш, логистика маркази ташкил этиш ва фаолиятини йўлга қўйиш масалалари кун тартибидан ўрин олди.
Қўшма корхона низомига кўра қишлоқ хўжалиги техникалари ва эҳтиёт қисмларини ишлаб чиқариш, шунингдек, халқ хўжалиги учун зарур бошқа турдаги ишлаб чиқаришларни йўлга қўйиш ҳам кўзда тутилгани масъуллар томонидан қайд этилди.
Учрашувда айни йўналишларда ўзаро ҳамкорлик масалалари атрофлича муҳокама қилинди ва лойиҳаларни амалга ошириш учун чора-тадбирлар белгилаб олинди.
Маълумот ўрнида, вилоят ҳокими Хайрулло Бозоров бошчилигидаги Фарғона вилояти делегациясининг жорий йил сентябрь ойида Хитойга амалий ташрифи давомида Ченду шаҳрида Zhiyuanhui Information Technology компанияси раҳбарлари билан музокаралар ўтказилиб, дастлабки инвестициявий келишувга эришилганди. (https://t.me/fvhokimligi/19708)
Бизни ижтимоий тармоқларда кузатинг
Facebook,
Telegram,
Twitte,
YouTube,
Instagram
