1. Бош сахифа
2. Янгиликлар

SHAHARDA 2021-YILDA JAMOATCHILIK FIKRI ASOSIDA SHAKLLANTIRILGAN TADBIRLARNI MOLIYALASHTIRISHGA YО‘NALTIRILGAN MABLAG‘LAR TО‘G‘RISIDA

×

О‘zbekiston Respublikasi Prezidentining 2018-yil 28-avgustdagi “Budjet

ma’lumotlarining ochiqligini va budjet jarayonida fuqarolarning faol ishtirokini

ta’minlash chora-tadbirlari tо‘g‘risida”gi PQ-3917-sonli hamda 2021-yil 13-

apreldagi “Budjet jarayonida fuqarolarning faol ishtirokini ta’minlash bо‘yicha

qо‘shimcha chora-tadbirlar tо‘g‘risida”gi PQ-5072-sonli Qarorlariga asosan

О‘zbekiston Respublikasi Oliy Majlisi Senati Kengashining 2021-yil 22-apreldagi

KQ-213-IV-sonli Qarori, shu bо‘yicha xalq deputatlari Quvasoy shahar

Kengashining 2021-yil 5-maydagi “Mahalliy budjet mablag‘lari sarflanishida

jamoatchilik ishtirokini ta’minlash tо‘g‘risida”gi VI-XXVIII-191-sonli qarori bilan

tasdiqlangan namunaviy Nizomning 27,29-bandlari ijrosini ta’minlash

maqsadida, О‘zbekiston Respublikasining Mahalliy davlat hokimiyati

tо‘g‘risida qonunining 6,24-moddalariga asosan Xalq deputatlari shahar

Kengashi

QAROR QILADI:

1. Xalq deputatlari shahar Kengashining 2021-yil 5-maydagi

“Mahalliy budjet mablag‘lari sarflanishida jamoatchilik ishtirokini

ta’minlash tо‘g‘risida”gi VI-XXVIII-191-sonli qarori bilan tasdiqlangan

namunaviy Nizomning 27-bandiga asosan 2021-yilda jamoatchilik fikri asosida

shakllantirilgan tadbirlarni moliyalashtirishga yо‘naltirilgan mablag‘lar yuzasidan

shahar hokimligi moliya bо‘limi mudiri T.Mamasiddiqovning hisoboti ma’lumot

uchun qabul qilinsin.

2. Mazkur qaror bilan quyidagilar:

2021-yil “Tashabbusli budjetlashtirish” jarayoni natijalari bо‘yicha

ma’lumotlar 1 va 2-ilovaga muvofiq;

2021-yilda “Fuqarolar tashabbusi” jamg‘armasi mablag‘larining shakllanishi

tо‘g‘risidagi ma’lumotlar 3-ilovaga muvofiq;

2021-yilda “Fuqarolar tashabbusi” jamg‘armasidan jamoatchilik fikri

asosida shakllantirilgan (g‘olib deb topilgan) tadbirlarni moliyalashtirish uchun

yо‘naltirilgan mablag‘lar 4-ilovaga muvofiq tasdiqlansin.

2022-yil fevral oyida о‘tkaziladigan “Tashabbusli budjetlashtirish”

jarayonining 1-bosqichi uchun ajratilgan mablag‘lar miqdori 3 980,4 mln.sо‘m

miqdorida tasdiqlansin.

3. Shahar hokimligi Moliya bо‘limi (T.Mamamsiddiqov), Mahalla va oilani

qо‘llab quvatlash bо‘limi (A.Xaydarov), Yoshlar ishlari agentligi shahar bо‘limi

(B.Fazilov) hamda mahalla fuqarolari yig‘inlari bilan birgalikda fevral oyida

о‘tkaziladigan “Tashabbusli budjetlashtirish” jarayoniga keng jamoatchilikni jalb

etish bо‘yicha targ‘ibot tashviqot ishlarini olib borsinlar.

4. Shahar hokimligi Moliya bо‘limi (T.Mamasiddiqov), shahar hokimligi

Axborot xizmati (Z.Abdullajonov) "Tashabbusli budjetlashtirish" natijalari

bо‘yicha ma’lumotlarni keltirilgan ilovalarga muvofiq shakllarda “Ochiq budjet”

axborot portali hamda hokimlikning rasmiy veb-saytlariga joylashtirish va har

chorak yakunlariga kо‘ra, keyingi chorak birinchi oyining 25-sanasiga qadar

joylashtirib borish vazifalari yuklatilsin.

5. Mazkur qaror bajarilishini nazorat qilish xalq deputatlari shahar

Kengashining Mahalliy budjet, iqtisodiy islohotlarni amalga oshirish,

investitsiyalar va tadbirkorlikni rivojlantirish masalalari bо‘yicha doimiy

komissiyasi (A.Qasimov), ijrosini ta’minlash moliya-iqtisodiyot va kambag‘allikni

qisqartirish masalalari bо‘yicha shahar hokimining birinchi о‘rinbosari

(X.Xoldarov) zimmasiga yuklatilsin.

Kengash raisi: М.Mexmonov

Бизни ижтимоий тармоқларда кузатинг
Facebook, Telegram, Twitte, YouTube, Instagram